البوست ده لازم يتبروز ❤️
السؤال المعتاد ازاي اربط بين المنهج والتأسيس ؟
الأول إحنا نقسم الطلاب ل ٣ أنواع.
...................................................................................
أولا : نوع مش بيعرف يقرأ والأهل مصريين إنه يشتغل منهج كالعاده 🙂
١-الحل مع النوع ده من الطلاب إنه يشتغل مع زملائه عادي ( عشان الجانب النفسي )
٢- كلفه بكم كلمات قليل ولو حتي جزء الفونكس اللي في كل وحده.
٣- اشتغل معاه فونكس كشغل منفصل ( ممكن لو العدد كبير تستعين ب مساعدين) أو ( دقائق بعد الحصه) أو أعمل يوم في الأسبوع ( يوم تأسيس)
٤- اركن المنهج علي جنب واشتغل تأسيس بس ( متقلقش هينجح) ما هو طول عمره بينجح وهو مش فاهم ، مره واحده ينجح وهو فاهم.
...................................................................................
ثانياً : نوع بيعرف يقرأ ( بيحفظ كلمات بس )
يعني شغال منهج بس .
تكلمت كثيراً عن هذا الأمر.
الطالب اللي بيعرف يقرأ( طالب المرحله الابتدائيه)
ده نعمه من عند ربنا والله .
بس مش بيعرف يكون جمل يا مستر ومش فاهم جرامر.
اقولك انا تعمل إيه 😌
١- اسسه جرامر كويس
٢- اشتغل معاه بأسلوب الترجمه
٣- علمه يكتب برجراف ( من أولي ابتدائي)
٤- فهمه علامات الترقيم كويس .
...................................................................................
طيب لو طالب إعدادي مثلاً ومحتاجين برده ندمج ما بين المنهج والتأسيس ؟
لازم يكون بيعرف يقرأ وإلا بقي عالج مشكله القراءه الأول.
بعد كده بقي علمه.
١- سؤال المحادثه
٢- المتلازمات اللفظيه
٣- جرامر وخصوصاً الأزمنة وحروف الجر
٤- علمه يكتب برجراف
...................................................................................
طيب لو طالب ثانوي .
محتاج تعمل معاه كل اللي فوق ده .
وبعد كده بقي ظبطه في الترجمه.
( أشتغل دايما تأسيس بالتسلسل ده )
١- طالب بيعرف يقرأ
٢- طالب بيعرف يحفظ كلمات
٣- طالب بيعرف يكون جمل
٤- طالب بيعرف يكتب برجراف
لما بقول دمج منهج مع تأسيس بقول إننا نعلي بمستوي الطلاب مش شرط يبقي مستواهم ضعيف ، مفيش مدرس شاطر بيشتغل منهج بس.
انا شغال مع الثانوي منهج ومع المنهج شغال
( كتابه - جرامر - قطع فهم - تراجم - مصطلحات واختصارات....,)
انا شغال مع الاعدادي منهج ومع المنهج شغال
( جرامر - كتابه - قطع فهم - ترجمه)
انا شغال مع الابتدائي منهج ومع المنهج شغال
( جرامر - برجراف - صوتيات - قطع فهم - علامات الترقيم - ترجمه)
...................................................................................
أي ملفات تخص ( البرجراف - قطع الفهم - علامات الترقيم - المحادثه - الترجمه - الجرامر - الفونكس - الفونتاكس - المتلازمات اللفظيه - حروف الجر. ). متاحه ع الصفحه مجانا
