الضمائر
انواع الضمائر
في اللغة العربية ضمائر متصلة ومنفصلة
ويوجد ايضا نوع من الضمائر وهو ضمائر الملكية
الضمائر المنفصلة
1..ضمائر المتكلم انا -نحن استخدامهم في اللغة الدارجة انا -احنا
2..ضمائر المخاطب انت - انت بكسر التاء - انتما - انتم - انتن واستخدامهم في اللغة الدارجة - انته - انتي - انتو للمثني والجمع والمذكر والمؤنث
3..ضمائر الغائب هو - هي - هما -هم -هن واستخدامهم في اللغة الدارجة هو - هي -هما بتشديد الميم للمثني والجمع المذكر والمؤنث
4..ضمائر الملكية لي - لك بفتح الكاف -لك بكسر الكاف - له - لها - لهما - لنا - لهم -لهن وسنتبين من كيفية استخدامهم في اللغة الدارجة من خلال الامثلة
اما الضمائر المتصلة فهي التي تتصل بالكلام وتكون جزء من الكلمة سواء اسم او فعل او حرف وهي : ت ( تاء الفاعل ) ، ( نا المتكلمين ) ، (ألف الاثنين )، ( واو الجماعة ) ، ( ياء المخاطَبة ) ، (نون النسوة ) ، ( هاء الغائب للمفرد والتثنية والجمع ) ، ( كاف الخطاب للمفرد والتثنية والجمع ) واستخدام الضمائر المتصلة متعدد الاوجه ومن وحوه استخدامه في اللغة الدارجة استخدامه في زمن الفعل في احواله المختلفة وهتلاقو شرح زمن الفعل في اول تعليق ممكن تاخدوه كوبي وتحفظوه في ملف وورد عندكم
ولكم بعض الامثلة التدريبية علي الضمائر بمختلف انواعها
1.. المتكلم
نطلب من الطفل يرفع ايده ونسأله مين رافع ايده ونقول اناااا
نطلب من الطفل يلون ونسأله من بيلون اناااااا
نرفع ايدنا مع الطفل ونسأله من رافع ايده احنااا
نلون احنا والطفل ونسأل مين بيلون احناااا
ونمسك ايد الطفل ونخليه يشاور علي نفسه وعلينا
2..المخاطب
نجيب عرائس او نرسم رسومات ونقصها ونثبتها علي ورق كرتون ونوقفها بمشابك و المدرب يرفع ايده ويسال مين رافع ايده انته لو ولد انتي لو بنت
مين بيتحرك ونمشي قدامه انته لو ولد انتي لو بنت ونمسك ايد الطفل ونخليه يشاور علي المدرب
ونقرب عروسة مننا او رسمة من اللي رسمناها ونساله مين اتكلمو مع بعض انتو مين بيغنو انتو وفي كل مرة نمسك ايد الطفل ونخليه يشاور علي المدرب والعروسة
3.. ضمائر الغائب
نستخدم العرايس والرسومات
مين بيمشي هو مين بنط لفوق هو
مين بتمشي هي مين بتنط لفوق هي
مين بينطو هومما
مين بيغنو هومما
مين بيتكلمو هومما
ونخلي الطفل يشاور بايده
واثناء التدريب علي الملكيات الطفل هيستخدم انواع الضمائر اللي فاتت دي بس المرة دي وهو عارفهم
4..ضمائر الملكية
الوسائل البسيطة ممكن تكون اجزاء الجسم والملابس والادوات البسيطة القلم الشنطة اللعبة وغيره والحالات هنا متعددة زي تعدد حالات زمن الفعل
المدرب يشاور علي شعر الولد ويسأله ده شعر مين الرد شعري انا عيني انا بؤي انا تيشرتي انا بنطلوني انا شنطتي انا والطفل بيشاور علي نفسه ودي الحالة الاولي.
المدرب لازم يأكد علي ولي الامر ان في البيت لازم بابا وماما يقومو بالتدريب علي الضمير دة عشان الطفل يفرق بين المذكر والمؤنث في الرد ويسأل بابا
دة شعر مين شعرك انته بؤك انته عينك انته قميصك انته جزمتك انته وهكذا والطفل بيشاور علي بابا ودي تكون الحالة التانية
والحالة التالتة ماما لما تسأل ويكون الرد شعرك انتي عينك انتي بؤك انتي ايدك انتي نضارتك انتي وهكذا وبردو الطفل بيشاور علي ماما
الحالة الرابعة حاجتنا احنا في حالة الطفل يشترك في الملكية مع شخص او اكتر الطفل هو واخوه مثلا او هو والاسرة
اوضتنا لعبتنا بتنا عربيتنا
والحالة الخامسة ضمير الملكية الخاص بغائب حاضر مذكر
ملكية بابا مثلا وماما اللي بتسأل دة قميص مين رد صحيح لو قال قميص بابا بس غير مقبول لان التدريب علي الضمائر في وجود الاب اثناء التدريب فلازم يقول قميصه هو ولو لعبة اخوه يقول لعبته هو لكن لو مش موجودين في المشهد يبقا ضمير غائب غائب يقول قميص بابا و لعبة اخويا
والحالة السادسة الضمير المؤنث لغائب حاضر بابا بيسأل الطفل علي ملكية ماما اللي موجودة شعرها هي بؤها هي شنطتها جزمتها هي وفي حالة عدم وجود ماما يكون الضمير غائب غائب ويكون الرد حاجة ماما شنطة ماما فستان ماما
الحالة السابعة وهو بينسب الملكية لمجموعة غيره حاجتهم هومما ..
ودي الحالات اللي لقيت ان الاطفال الطبيعين بيستخدمو فيها الضمائر والاطفال اللي عندهم قصور في استخدام الضمائر محتاجين يتدربو عليها..
صدقة المال انفاق جزء منه
صدقة العلم انفاقه كله
نفع الله بنا وبكم 🙂
