عايز اتكلم في حاجة صغيرة جداً بيغلط فيها الكل ألا وهي ( إعراب تمييز العدد)
إعراب تمييز العدد
ايه دا يا دكتور قلبتها حصة نحو ليه كدا
استنى بس يا عزيزي😅
كتير مننا بيغلط في إعراب التمييز، ففيه الي بيحطه بالجمع مثلاً وهوا لازم يكون مفرد، وفيه الي بيحط قبله (من)، وفيه الي بيكتبه بالمفرد وهوا لازم يكون جمع
وانا جاي أوضحلك إعراب التمييز مع كل الأعداد عشان تكتبها صح بعد كدا ومتتلغبطش😁😁😁
1- (3 - 10) الأعداد المفردة التمييز بتاعها بيكون (جمع مجرور)
بنقول ثلاث تلميذاتٍ/عشرة رجالٍ/خمسة أقلامٍ✅✅
2- الأعداد المركبة الي هما من (11-19) التمييز بتاعها (مفرد منصوب)
فبنقول حضر ثلاثة عشر رجلاً/حضرت تسع عشرة امرأةً✅✅
فمينفعش هنا تقول ثلاثة عشر رجالاً❌
تسع عشر امرأةٍ❌
3- العقود (20-30-40...) بيكون تمييزها (مفرد منصوب)
حضر عشرون رجلاً/حضر عشرون امرأةً✅✅
4- العدد المعطوف (21-22-23-24-...) بيكون تمييزه (مفرد منصوب)
حضرت اثنتان وعشرون امرأةً/رأيت واحد وعشرون رجلاً✅✅
5- مئة وألف ومضاعفاتهم بيكون تمييزها (مفرد مجرور)
زرعت مئة فدانٍ/حضر ألفا رجلٍ✅✅
ولا يجوز ابداً جر تمييز العدد بـ(من)
مينفعش تقول حضر عشرون من الرجال❌❌❌❌❌
اشتريت خمسة من الأقلام❌❌❌