Verb to Be
.jfif)
"تعالى أقولك على حاجة، في الإنجليزي فيه بطل خارق مش زي أي بطل. اسمه Verb to Be، ومعناه بالعربي (الفعل يكون). ده الفعل الوحيد اللي عامل نفسه مهم، وواخد كل المظاهر! بيحب يتمثل في 3 شخصيات مختلفة: "am, is, are" حسب المزاج والزمان اللي قدامه!
I am the king of my room.
(أنا ملك غرفتي).
هنا "am" بتقولك: "أنا الملك هنا، مفيش حد غيري!".
He is always late.
(هو دائمًا متأخر).
شوف "is" بتعمل دورها كأنها بتقول: "إحنا عارفين إنه دايمًا متأخر، سيبك منه!".
They are eating pizza.
(هم يأكلون البيتزا).
"are" هنا بتتقمص دورها وبتقولك: "بس كده، أكيد بيأكلوا أحلى بيتزا!"
تخيل لو "Verb to Be" قرر يعتزل! الجملة هتبقى بالشكل ده:
"I __ the king of my room."
"He __ always late."
"They __ eating pizza."
طبعًا كده الجملة داخلة في دراما مالهاش آخر، كل حاجة واقفة ع الكلمة اللي مش موجودة!
ده مش بس كده، "Verb to Be" بيحب الدلع، وبيظهر بأشكال تانية حسب الزمن:
Was/Were في الماضي.
I was happy yesterday. (كنت سعيدًا بالأمس).
"كنت سعيد؟ دلوقتي لا؟"
Will be في المستقبل.
I will be successful. (سأكون ناجحًا).
"إحنا واثقين فيك، ركز بس!"
نصيحة للطلاب:
لو عايز تنجح في التعامل مع "Verb to Be"، اعتبره صديقك اللي بيحب الشو. خليه يبان في الجملة عشان مفيش حاجة تقع منك.
لما تيجي تستخدمه، افتكر إنه زي المايسترو اللي بيدير أوركسترا الجملة، لو غاب، المزيكا هتبقى نشاز!
أمثلة إضافية وترجمتها:
She is a teacher.
(هي معلمة).
We are best friends.
(نحن أصدقاء مقربين).
It is raining now.
(إنها تمطر الآن).
"مش قلتلك إن الفعل ده غاوي دراما؟ متقلقش، بس امشي على مزاجه، والجمل كلها هتبقى تمام!"