مافيش اختلاف ان نطق بعض الكلمات فى الـEnglish مالوش قواعد ثابتة

الاختلافات دي هتلاقيها كتير بين الـAmerican accent والـBritish accents وهتبقى مش عارف ايه الصح من الغلط 😳والحقيقة ان مفيش حاجة فيهم غلط 😄الفكرة كلها انك تقرر ايه الأسهل بالنسبالك وتستخدمه، من غير ماتحّير نفسك. عندك مثلاً، حرف الـT فى بعض الكلمات بيتنطق D .ودي قاعدة من قواعد نطق الكلمات فى الـAmerican English Pronunciation،وبيكون اسمها " The Flap " T " Sound " وخلى بالك ان الـD مابتكنش تقيلة، = (It should be a soft, light sound)تعالوا نشوف حالات حرف الـ T لما بيتشقلب ويعمل نفسه D 😄 1- لو لقيت حرف الـ T موجود بين صوتين متحركين "Vowels" و اللى هما عبارة عن A , E , I , O , U لو عاوز تحفظهم و متنساهمش هتعمل زى الأسكندرانية كدا، وتقول هتقول أّيووووووووووووه 😄 المهم لو لقيت بقا حرف الـ T بالشكل ده ، هتقلب الـ T لحرف الـ D خفيفة.مثال على كده، الكلمات دي :Computer , Water , Better 2- القاعدة دى كمان بتنطبق على الجُمل الكاملة مش الكلمات وبس -_-يعنى لو حرف الـ T جه فى نهاية كلمة قبل صوت متحرك، والكلمة اللى بعدها بتبتدى بصوت متحرك، حرف الT بين الكلمتين بيتنطق كانه D .تعالوا نسمع الجُمل دي اتنطقت ازاي :- You can't have ( it ) all - Ge(t) a better water heater عندنا كمان من الحاجات اللى ممكن تقابلها وتعملك لخبطة بالنسبة لحرف الـT، لما تلاقيه Silent في وسط الكلمة ومابيتنطقش خالص اصلا 😄_ يعني ايه الكلام دا ؟! فى الـAmerican accent دايما بيقولوا ان الـ T = Silence When after Nيعنى حرف الـ T مابيتنطقش لو جه بعد صوت حرف الـ N 😳 وعادة دا بيكون فى الـ Informal speech بس ( الكلام العامي ) . هتلاحظوا تطبيق القاعدة دي فى بعض الكلمات زي :Interview , Interstate , International , Wanted , Twenty , Internet هتستغرب اكيد !!ازاى ( انتتتتتتترفيو ) تبقى ← ( إنــــرفيو ) من غير حرف الـT وازاي ( انتتتتترنت ) تبقى ← ( إنــــرنت ) من غير حرف الـT .= ماتستغربش 😄انت ممكن تسمعها كدة أو كدة وفى كلتا الحالتين هما صح 👌كل الموضوع اننا عايزينك تبقا فاهم لما تسمعها ليه وامتى بتتنطق كدا 😄 وخليك متأكد انك عشان تتعلم تتكلم English صح مش محتاج ورقة وقلم لأننا اتفقنا قبل كدا انك عشان تتكلم English صح محتاج Practice 😉= بمعني Talk A Lot And Listen A Lot😊