صديقي زمن المضارع المستمر
.jpeg)
Present continuous tense المضارع المستمر من الأزمنة اللذيذة
جدا في الإنجليزي، عامل زي زكريا الدرديري
بيشتغل شغلتين في نفس الوقت. ❤😅
بص كدة على الجملتين دول: 😃
1- I'm eating an apple now.
2- I'm traveling to Cairo tomorrow.
أول استخدام له، هو إنه بيعبر عن حاجة
بتحصل دلوقتي حالا، في الوقت إللي أنا
بكلم فيه، زي أول جملة فوق، ومعنى الجملة
هو إني بأكل تفاحة دلوقتي حالا، في الوقت
إللي أنا بكلمك فيه، يعني لو أنت شايفني
دلوقتي ..هتلاقيني باكل 🍏 تفاحة. 😃
------------------------------
بص على الجملة رقم 2 كدة ☝😃
معنى الجملة هو إني هسافر القاهرة بكرة
يعني حاجة هتحصل في المستقبل، بس بشرط
إني أكون رتبت الإجراءات بتاعة السفر، بمعنى
إني حجزت تذكرة الطائرة/القطار وجهزت شنطتي
وكل حاجة تمام. 😃
-------------------------------
الخلاصة
Present Continuous - المضارع المستمر
تكوين الجملة سهل خالص ..حتى بص: 👇😃
I am + V + -ing ....
He/she/it + is + V + -ing ....
You/We/They + are + V + -ing ...
( V = verb = فعل)
🌠طب هنستخدمه أمتا؟
1- حاجة بتحصل دلوقتي حالا، في الوقت إللي بكلمك فيه زي مثلا:
Islam is writing a post now.
إسلام بيكتب بوست دلوقتي.
(في الوقت إللي بكلمك فيه، حالا) 😃
-----------------------------
2- حاجة هتحصل في المستقبل واحنا مرتبين ليها وعارفين إنها هتحصل فعلا زي:
Ashraf is having an operation tomorrow.
اشرف هيعمل عملية بكرة. (في المستشفى)
يعنى راح المستشفى وكشف والدكتور حدد معاد العملية وقاله تعالا بكرة. 💉 (حاجة مترتبة). 😃
--
قولي بقى أنت بتعمل إيه دلوقتي باالانجليزي
لايك ومتابعة وشير 💜💞
ودعوة حلوة من القلب 💜💞