الماضي البسيط والماضي المستمر

 ورقة وقلم وتعالوا بسرعه مافيش وقت عندنا امتحانات 

.. Grammar♥️

الماضي البسيط والماضي المستمرررر

Let's Go😂✨

الماضي البسيط

دا من اسمه ماااضي يعني حاجة خلصت خلاص وملهاش علاقة بدلوقتي خااالص

◾بستخدمه مع الكلمات اللي بتدل علي الماضي (حمادة هلال جدا😂😂)

زي

• Yesterday

• Last week // Last year 

اي حاجة فيها Laaaaast خلاص يبقي ماضي😂

• In + سنة قديمة = in 1999

= Ahmed died yesterday // in 1000

الحج أحمد مات سنة 1000😂😂

◾تاني استخدام مع Used to

قصتها ايه دي؟!🤔🤔

دي بقا بستخدمها لما تقولي انت كنت بتعمل حاجة في الماضي ف انا هفهم انك بطلتها دلوقتي او العكس

• When Ahmed was young, he used to smoke.

لما أحمد كان صغير, كان متعود انه يدخن (لكن دلوقتي مبقاش يدخن)

(طفولة مشردة ياحج أحمد 😂😂)

• When Ahmed was young, he Didn't use to smoke.

لما أحمد كان صغير ابوه كان مربيه ومش بيشرب سجاير (لكن لما كبر بقي بيشرب!☺️)

بسيطة؟!😂✨

طب بص المثالين دول: 

1) I used to play football, but now I don't

2) I didn't use to play football, but now I do.

• الجملة الاولي معناها اني كنت متعود العب كورة وحريف😎

 (لكن دلوقتي اعتزلت بقا😂)

• الجملة التانية معناها اني مكنتش متعود العب كورة

(بس دلوقتي بقيت بلعب بقا ومكسر الدنيا وجايب اتنين رباط صليبي للي بيلعبوا معايا😂😂)

الماضي المستمرر

دا بكل بساطة حاجة كانت مستمرة في وقت محدد في الماضي

• I was playing football yesterday at 7.

امبارح الساعة 7 انا كنت بلعب كورة ⚽

طب نفترض افتراض .. هيحصل ايه لو حذفنا الوقت المحدد؟!🤔🤔🤔🤔🤔

كدا هندخل في زمن الماضي البسيط 😂😂😂

بُص✨

• I WAS PLAYING football yesterday at 7.✔️✔️✔️

جملة صح عشان استخدمت كلمة تدل علي الماضي اللي هي yesterday وكمان استخدمت وقت محدد اللي هو الساعة 7

• I PLAYED football yesterday.✔️✔️✔️

لان كدا انا حذفت الوقت المحدد .. فلازم ماضي بسيييط

⚫خلطة الماضي البسيط والماضي المستمرررر😂

- انا عندي 3 خلطات

(انا مسميهم خلطات .. لازم تسال يعني!😒):

◾1) ماضي بسيط + ماضي بسيط 

" ودا بستخدمه مع عادات الماضي او مع فترة في حياتي "

• When I was young, I always played football.

اوعي مع العادات تستخدم الماضي المستمرررر عشان في فرق بين عادة في الماضي وموقف كان بيحصل في الماضي..خلي بالك😈

◾2) ماضي بسيط + ماضي مستمررررر (حاجة اسمها تقاطع)

مثال بالبلدي عشان تسهل اوي😂

وانا قاعد باكتب الواجب هوووووووب حج أحمد جه😂

• While I was doing my homework , Ahmed came.

حج أحمد قطع الحدث المستمرررر اللي انا كنت بعمله اللي هو كتابه الواجب علي أساس أصلا أنا كنت بافتح كتاب 

😂😂

◾3) ماضي مستمررررر + ماضي مستمررررر

(حاجة اسمها تزامن)

يعني حاجتين كانوا بيحصلوا في نفس الوقت.

مثال بالبلدي كدا عشان كل حاجة توضح😂

وانا قاعد باكتب الواجب . حج أحمد كان بيتفرج علي الماتش😂😂

• While I was doing my homework , Ahmed was watching the match.

في الوقت اللي انا كنت باكتب الواجب فيه كان الحج أحمد قاعد بيتفرج علي الماتش😂😂

بس كده اطلعوووووا فسحه